2krvauto: March 2019

ដោយសារតែសំបកកង់គឺជាផ្នែកតែមួយគត់នៃរថយន្ត ដែលប៉ះលើផ្លូវហើយអាចមានផលប៉ះពាល់ដល់ការបំពេញការងាររបស់រថយន្តរបស់លោកអ្នកពីការបើកបរទៅការគ្រប់គ្រង និងហ្វ្រាំងហើយសំខាន់បំផុតនោះគឺសុវត្ថិភាពរបស់អ្នកនិងអ្នកកាន់កាប់រថយន្តផ្សេងទៀត។

ខាងក្រោមនេះគឺជាគន្លឹះបួន ដែលអ្នកជាម្ចាស់រថយន្តអាចធ្វើតាមដើម្បីរក្សាសំបកកង់របស់អ្នកអោយនៅល្អនិងប្រើបានយូរ ។ ក៏ត្រូវប្រាកដថាពួកគេត្រូវបានត្រួតពិនិត្យយ៉ាងទៀងទាត់ដោយអ្នកជំនាញផ្នែកជួសជុលរថយន្តតាមរយៈអ្នកផ្តល់សេវាកម្មថែទាំឡាន។

១. ថែរក្សាសម្ពាធកងឱ្យបានត្រឹមត្រូវ

ពិនិត្យមើលសម្ពាធកង់របស់អ្នកអោយបានទៀងទាត់ និងរក្សាទុកវានៅកម្រិតដែលបានណែនាំសម្រាប់រថយន្តរបស់អ្នក។ អ្នកគួរតែពិនិត្យមើលសម្ពាធម្តងក្នុងមួយខែ ឬមុនពេលអ្នកមានគម្រោងធ្វើដំណើរផ្លូវឆ្ងាយ។ ប្រសិនបើការបើកបររបស់អ្នកមើលទៅរាងលាតៗមានន័យថាសម្ពាធ កង់អាចលើសពីស្តង់ដារ ផ្ទុយទៅវិញប្រសិនបើការបើកបររថយន្តរបស់អ្នកចាប់ផ្តើមហាក់បីដូចជាមិនឆ្លើយតបមានន័យថាសម្ពាធកង់អាចខ្វះពីស្តង់ដារ ។ សម្ពាធកង់ទាបអាចប៉ះពាល់ដល់កង់រថយន្តរបស់អ្នកនៅលើផ្ទៃសើមរាក់។ អ្នកអាចរកឃើញសម្ពាធខ្យល់ត្រឹមត្រូវសម្រាប់រថយន្តរបស់អ្នកនៅក្នុងសៀវភៅណែនាំ។

២. តុល្យភាពនៃសំបកកង់របស់អ្នក

គន្លឹះមួយទៀត គឺដើម្បីរក្សាកង់របស់អ្នកឱ្យមានតុល្យភាពត្រឹមត្រូវដែលអាចជួយ ការប្រើប្រាស់បានយូរ និងកាត់បន្ថយការសឹកមិនស្មើគ្នា។ ដំណើរការតុល្យភាពកង់ឡានទាក់ទងនឹងការភ្ជាប់ទម្ងន់តូចៗទៅកង់ដើម្បី រារាំងរំញ័រសំបកកង់ និងកង់នៅពេលដែលពួកគេបត់ ដែលជាដើមហេតុនៃការសឹក ។ លោកអ្នកគួរតែធ្វើការត្រួតពិនិត្យតុល្យភាពកង់ឡានដោយអ្នកជំនាញនៅមានអ្នកបើកបរ ហើយមិនមានលំនឹង មុនពេលវាប៉ះពាល់ដល់សភាពកង់ឡានរបស់អ្នក។

៣. ផ្លាស់ប្តូរទីទាំងសំបកកង់ជាទៀងទាត់

ដោយសារកង់រថយន្តនៅខាងក្រោយ និងនៅខាងមុខរថយន្តរបស់អ្នកទទួលរងទម្ងន់ខុសគ្នា ដែលបង្កឱ្យមានការសឹកមិនស្មើគ្នា អ្នកជំនាញខាងឧស្សាហកម្មបានផ្តល់អនុសាសន៍ឱ្យធ្វើការផ្លាស់ប្តូរទីតាំងកង់របស់អ្នកពីមុខមកក្រោយរាល់ 5000 ទៅ 7000 ម៉ាយល៍ម្តង។ ការធ្វើបែបនេះនឹងជួយឱ្យសំបកកង់មាភាពសឹកស្មើភាពគ្នាដូច្នេះអ្នកបង្កើនេការប្រើប្រាស់របស់ពួកគេមុនពេលធ្វើការផ្លាស់ប្តូរ។ អ្នកមិនអាចផ្លាស់ប្តូរទីទាំងសំបកកង់ពីមុខទៅខាងប្រសិនបើទំហំខុសគ្នាពីផ្នែកខាងមុខនិងខាងក្រោយ។

៤. តម្រូវការតម្រង់កង់

រថយន្តនីមួយមានការកំណត់ជាក់លាក់សម្រាប់ការតម្រឹមកង់ឬមុំនិងទីតាំងនៃកង់ដែលបានណែនាំដោយក្រុមហ៊ុនផលិតរថយន្ត។ នៅពេលដែលអ្នកបានដំឡើងសំបកកង់ថ្មីគួរតែមានអ្នកបច្ចេកទេសរថយន្តពិនិត្យការតម្រឹមកង់។ វាក៏ជាផ្នែកស្តង់ដារមួយនៃការថែទាំរថយន្តធម្មតា។ នៅពេលណាដែលអ្នកសង្កេតមើលការសឹកសំបកកង់មិនស្មើគ្នាអ្នកគួរតែមានការតម្រង់កង។

កំពូលក្រុមហុ៑នផលិតរថយន្តBugatti មានដើមកំណើតនៅប្រទេសបារាំងថ្មីៗនេះបានបង្ហាញនូវកំពូលរថយន្តគំរូប្រភេទថ្មីមានឈ្មោះថា Bugatti La Voiture Noire ដែលមានតម្លៃប្រហែលជា $19M ធ្វើអោយវាក្លាយជាកំពូលរថយន្តដែលមានតម្លៃថ្លៃជាងគេលើពិភពលោក។

បច្ចុបន្នក្រុមហុ៑នបានបញ្ចេញនូវគំរូរូបរាងខាងក្រៅ ហើយមានគំរោងផលិតរថយន្តប្រភេទនេះតែមួយគឿងគត់ ក្រុមហុ៑នត្រូវការពេលវេលាប្រហែលជា២ឆ្នាំ កន្លះទៀតដើម្បីបញ្ចប់ការផលិតនេះ។ ហើយក៍ចូលរួមសោកស្តាយចំពោះអ្នក ដែលមានបំណងចង់ទិញនូវរថយន្តប្រភេទនេះដោយសាតែមានអ្នកដេញថ្លៃទិញយកវាបាត់ទៅហើយ តាមប្រភពពត៌មានខ្លះអ្នកដែលទិញគឺជាអតីតអ្នកបង្កើតក្រុមហុ៑នVolkswagen ។

Bugatti La Voiture Noire ត្រូវបានរចនាដោយរួមបញ្ចូលប្រភេទរថយន្តlimousine និងរថយន្តប្រភេទsports ជាមួយម៉ាស៊ីន V16 កំលាំង1,500cc រួមជាមួយនឹងបច្ចេកវិទ្យាចុងក្រោយជាច្រើនទៀត។

ការយករថយន្តទៅឲ្យគេលាង គឺជាការងាយ តែសម្រាប់ម្ចាស់រថយន្តមួយចំនួនប្រហែលជាចូលចិត្តយកពេលទំនេរចុងសប្ដាហ៍ដើម្បីលាងរថយន្តដោយខ្លួនឯង ព្រោះអាចរាប់ជាការកម្សាន្តម្យ៉ាងសម្រាប់អ្នកស្រលាញ់រថយន្ត។ ទន្ទឹមនោះ សម្រាប់អ្នកលាងរថយន្តដោយខ្លួនឯង គឺគួរដឹងចំណុចមួយចំនួនខាងក្រោម

១. កុំទុកទាល់តែឡានប្រឡាក់ខ្លាំង ដូចជាឡើងធូលីក្រាស់ៗ លាមកសត្វច្រើន ឬជាពិសេសភ្លៀងអាស៊ីដ ដែលងាយធ្វើឲ្យថ្នាំឡានស្រអាប់ ឬខូចដល់ស្រទាប់ការពារថ្នាំ

២. មិនគួរលាងឡានពេលម៉ាស៊ីនក្ដៅ ឬក្រោមកម្ដៅថ្ងៃខ្លាំង។ សីតុណ្ហភាពខ្ពស់ពេក ធ្វើឲ្យទឹកឆាប់ស្ងួតងាយឡើយដាមទឹកស្អិតជាប់ថ្នាំឡាន និងកញ្ចក់ ពិបាកលាងចេញ ឬអាចជូតមិនបាត់ ដែលពេលខ្លះទាល់តែប្រើម៉ាស៊ីនប៊ូលាទើបបានស្អាត។

៣. ប្រើប្រាស់សាប៊ូ និងឧបករណ៍លាងសម្អាតឲ្យបានត្រឹមត្រូវ។ គួរជ្រើសរើសសាប៊ូទឹក ឬហ្វូនដែលជាផលិតផលសម្រាប់លាងសម្អាតរថយន្ត ជាជាងប្រើសាប៊ូម្សៅធម្មតាដែលសម្អាតមិនស្អាត ហើយគ្មានសារធាតុជំនួញឲ្យថ្នាំឡានភ្លឺរលោង។ ចាំបាច់ក្នុងការលាងដោយប្រើអេប៉ុងដើម្បីជក់ជាមួយសាប៊ូ ហើយអាចអុសបានកម្ទេចកំទីធូលីនានា និងគួរប្រើក្រណាត់ប្រភេទ Fabric សម្រាប់ជូតឲ្យស្ងួត ខណៈក្រណាត់ប្រភេទនេះមិនបន្សល់ស្នាមឆ្នូតទឹក ក៏ដូចជាកម្ទេចក្រណាត់ជាប់ឡាន។

៤. លាងតាមផ្នែក ហើយពីលើចុះក្រោម ដូចជាចាប់ផ្ដើមជូតលាងពីកញ្ជាក់គ្រប់ជ្រុង ដំបូលលើ ដំបូលម៉ាស៊ីន កម្របខាងក្រោយ ទ្វា ហើយបន្តតាមផ្នែកចំហៀង។ ការលាងពីលើចុះក្រោម គឺដើម្បីឲ្យកម្ទេចធូលីអាចហូរតាមសម្រួលពីលើចុះក្រោម បើបញ្ច្រាសអាចធ្វើឲ្យឆ្កូតថ្នាំឡាន។

ចំណាំ ដើម្បីរក្សាគុណភាព និងកម្រិតភ្លឺនៃថ្នាំឡានឲ្យនៅតែថ្មីជានិច្ចនោះ ប្រិយមិត្តគួរណាស់តែធ្វើឲ្យប៊ូលារថយន្តហោចណាស់ ពីរដងក្នុងមួយឆ្នាំ ខណៈការប៉ូលាម្ដងៗមានតម្លៃប្រមាណ ៤០ ដុល្លារ ឬលើសពីនេះអាស្រ័យលើប្រភេទរថយន្ត ក៏ដូចជាប្រភេទថ្នាំប៊ូលា៕ ព្រោះភាពរលោងនៃថ្នាំធ្វើយើងមានភាពងាយស្រួលក្នុងការសំអាងស្នាមប្រឡាក់ចេញពីថ្នាំរថយន្តុ៕